Creamos arte
Deseñamos en Galicia
Unímonos baixo o amparo dunha marca, nunha única entidade empresarial, co fin de conseguir logros comúns
Sobre Creativas Galegas
Un colectivo multidisciplinar
Creativas Galegas é un colectivo formado por persoas e pequenas marcas do eido cultural galego, que crean ou deseñan en Galicia, e en cuxa filosofía prima o traballo de calidade.
Profesionais da artesanía, artistas, artes escénicas e pequenos e selectos produtores galegos formamos este colectivo multidisciplinar.
Unímonos baixo o lema: “…compartir para crecer!”, xa que a suma de moitas pequenas marcas fai que sexamos, no conxunto, unha marca grande, unha grande entidade.
Que facemos?
Deseño galego
Produto artesanal
Exposicións de arte
Talleres de formación e traballo en directo
Un espazo de venda colectivo
Presentacións, coloquios e actuacións en directo
Punto de encontro e trato directo con artistas e persoas creadoras
Novidades no colectivo
As nosas últimas publicacións sobre o colectivo, novidades e próximos eventos.
Mercado Galego da Creatividade
Unha tenda de venda colectiva
O 5 de decembro de 2020, Creativas Galegas abre o seu primeiro espazo físico de venda en Santiago de Compostela. Un espazo cultural heteroxéneo situado no casco histórico da cidade e no que podemos atopar un amplo abano de artigos selectos e de deseño artesanal galego.
Este Mercado é unha proba de que os nosos oficios, as tradicións, a nosa cultura artística e creativa están moi vivas e teñen continuidade nas novas xeracións.
As propias persoas creativas e artesás atendemos a tenda con moito agarimo e o mellor que sabemos. Ante todo, queremos proporcionar un trato cercano e xerar experiencias humanas auténticas e únicas, nun lugar de paz, ou como o describen moitos dos nosos clientes: “nun lugar con alma”.
Un museo para os/as amantes da arte, con sensibilidade pola cultura e o patrimonio cultural galego. Sabemos que quen entra neste Mercado son persoas con conciencia ecolóxica e responsabilidade social, que buscan produtos locais exclusivos, especiais e de calidade.
Obras de arte orixinais sobre múltiples soportes, reproducións artísticas, mobles restaurados, produtos de edición limitada creados a partir de plásticos e outros materiais reciclados… Isto, e moito máis, no Mercado Galego da Creatividade.
Tenda online de produtos artesanais
Produto artesanal de proximidade
Pezas exclusivas feitas á man
