Crema Hidratante

Crema hidratante especialmente formulada para a infancia, ideal para todo tipo de peles mesmo as máis sensibles e esixentes. Apta dende o primeiro día para bebés, peques e persoas adultas.

Hidratante, protectora, emoliente, antioxidante e calmante. Potencia o efecto barreira da pel e brinda alivio e protección en peles irritadas, arroibadas ou con proído.

O seu segredo está na súa delicada fórmula con todos os seus ingredientes naturais, sostibles e de orixe vexetal. É especialmente eficaz tratando e aliviando as peles máis problemáticas, imaxina os seus resultados sobre a pel sa!

Enriquecida con Manteiga de karité ecolóxica, Caléndula, Regalicia e Aceite de oliva virxe extra ecolóxico, procedente de olivas recollidas a man no seu punto de maduración e de primeira presión en frío.

Propiedades

Suave e doada de estender. Absórbese rapidamente, achega unha duradeira sensación de  hidratación e calma que permanece durante horas.

Sen perfumes nin colorantes engadidos.

Libre de transxénicos.

Ingredientes de orixe vexetal.

Produto Vegano.

Ingredientes

Cada ingrediente está presente por unha boa razón:

Manteiga de  Karité: Elaborada a man mediante o método tradicional, por unha cooperativa que  empodera comunidades de mulleres rurais no norte de Ghana, respectuosa e sostible. Achega unha hidratación intensa de longa duración e actúa como protector solar natural.

Aceite de Oliva: Virxe extra e de primeira presión en frío. De orixe ecolóxica e provinte de olivas de cultivos sostibles recollidas a man no seu punto de maduración. Rexenera, nutre e suaviza a pel.

Caléndula: Obtida da flor. Calma profundamente, reduce a inflamación e rexenera a estrutura da pel.

Regalicia: Obtida da raíz da planta. Protexe grazas ás súas propiedades antimicrobianas e antioxidantes. Atrapa os radicais libres.

Listado INCI de Ingredientes: aqua, butyrospermum parkii (shea butter), olea europaea oil, calendula officinalis flower extract, glycyrrhiza glabra (licorice) root extract, coco-caprylate/caprate, hydrogenated olive oil unsaponifiables, cetearyl olivate, sorbitan olivate, olive oil polyglyceryl-6 esters, cetearyl alcohol, sodium stearoyl lactylate, betaine, propanediol, citrus aurantium amara fruit extract, citrus reticulata fruit extract, citrus sinensis peel extract, glycerin, tocopherol, saccharide isomerate, benzyl alcohol, xanthan gum, sodium citrate, citric acid, lactic acid.

Modo de emprego

Usar tantas veces como sexa necesario masaxeando suavemente sobre a pel limpa de cara e corpo. Apta dende o primeiro día para bebés, peques e persoas adultas, para toda a familia.