Taller de confección dun bolso reciclando trozos de téxtil _ Nobelo a nobelo

Temos unha proposta mais de taller por parte dunha das nosas artesás. Neste caso é María, da firma Nobelo a nobelo, a que a lanza este obradoiro.

María, aparte de bordado téxtil, tamén confecciona pequenas pezas e complementos téxtiles para adultos e bebés. Moitas destas pezas están confeccionadas seguindo unha filosofía de economía circular, pois recicla roupa vaqueira, camisas e outros produtos téxtiles que xa non se poden usar para darlles unha segunda vida. En vez de tirar ao lixo María prefire dar unha segunda oportunidade e é unha experta en salvar teas de boa calidade para crear unha peza nova, de deseño, artesanal e cunha longa vida por diante.

Que imos facer neste taller?

Imos aprender a elaborar unha peza, que podemos usar como neceser ou como bolso a partir de telas de vaqueiros que xa non podemos usar como tal.

Vamos, o que vén sendo unha reciclaxe téxtil en toda regra, nun obradoiro de costura!

Que precisamos que traias ao taller para poder participar?

• Máquina de coser
• Cinta métrica
• Alfinetes
• Agullas
• Algúns fíos de cores
• Un vaqueiro que non uses xa
• Algunha camisa ou vestido que tampouco uses (para o forro)
• Algún aplique se desexas engadirlle ese toque ao bolso

As cremalleiras e a entretela poñémola nós.

Anímaste a pasar unha xornada de costura connosco? Toma nota:

Actividade: taller de elaboración dun bolso a partir de reciclaxe téxtil
Autora: María Gaiteiro
Marca:  Nobelo a nobelo
Lugar: Mercado Galego da Creatividade
Data: 25 de  novembro
Horario: 10:30 – 13:30 h
Prezo: 45 €

Merca o teu taller aquí Mercar

Reserva a túa praza chamando ao teléfono:  605 141 241

Coñece a María e á súa marca: Nobelo a nobelo

Facebook: Nobelo a nobelo, tecidos, mercería
Instagram: @nobelo_a_nobelo