Exposición de pintura _ María Feijoo

Baixo o título ‘A pintura é a miña linguaxe’, María Feijóo amosa a súa colección de obras.

Esta creativa emprega a pintura como medio de comunicación e o pincel como ferramenta de expresión. Ao son do seu trazo, sobre lenzo, seda ou algodón, María expresa en cada pincelada, unha emoción.

Pinto de maneira intuitiva. Case nunca teño unha folla de ruta. A pintura cobra vida no proceso de creación ao encontrarse con ese momento no que, intuitivamente, sei que camiño tomar, libérome, flúo e deixo que a pintura me guíe.

Lenzos, panos de seda, bolsos, paraugas, pulseiras…, son só algúns exemplos do listado de produtos exclusivos nos que esta artesá converte as súas obras pictóricas.

Pezas únicas, elegantes, de calidade e 100% artesanais que podes atopar no Mercado Galego da Creatividade lucindo en todo o seu explendor.

Título da exposición: ‘A pintura é a miña linguaxe’
Autora: María Feijóo
Marca: Fjoo
Lugar: Mercado Galego da Creatividade
Data: 25 de abril – 6 de maio

Instagram: feijoo_maría
Facebook: María Feijóo