- Este evento pasou.
Encontros Emprendedores _ Axenda Urbana 2030
Setembro 19, 2023 @ 10:00 a.m. - 12:00 p.m.
O ciclo de Encontros Emprendedores celebra a súa vindeira xuntanza o día 19 de setembro, ás 10:00 h, no Mercado Galego da Creatividade. Os Encontros Emprendedores presentan iniciativas innovadoras en liña cos eixos da Axenda Urbana 2030, que dan resposta aos retos identificados pola cidadanía de cara aos vindeiros anos.
En setembro presentarase a iniciativa “El camino ESS”, un proxecto de cooperación dentro e fóra de Galicia para repensar un turismo máis sostible e responsable cos territorios e as persoas. REAS Galicia compartirá coas persoas asistentes esta proposta de turismo alternativo que aspira a fortalecer o tecido cooperativo ao longo do territorio.
El camino ESS está a impulsar unha rede de iniciativas cooperativas que facilitará a sustentabilidade no tempo dun turismo alternativo, no que as persoas e o desenvolvemento responsable do territorio estean no centro. Ademais, apóstase por potenciar a Economía Solidaria, dándolle visibilidade a través do sector turístico. Proxectos culturais locais, medioambientais, cooperativas de desenvolvemento ou de creación artesá serán algunhas das iniciativas empresariais que compoñen esta rede, que sacará partido do mundo dixital para amplificar o seu alcance.
Unha vez desenvolta a presentación, proponse un espazo participativo no que as persoas asistentes reflexionemos sobre a necesidade de sacar partido das ferramentas dixitais para propoñer alternativas sostibles e respectuosas cos territorios. Como en cada Encontro, Creativas Galegas ofrecerá un almorzo con produtos galegos.
O oitavo Encontro Emprendedor:
_ Obxectivo: Era dixital
“El Camino ESS”: unha rede de iniciativas da Economía Social e Solidaria para un turismo sostible e responsable”
Carme Casado Casado
Responsable Promoción Económica en CERSIA Empresa (Concello de Santiago)
Contextualización breve da Axenda Urbana 2030 de Santiago de Compostela
Raquel Calleja e Lucía Santiago
REAS Galicia
_Día: martes, 19 de setembro de 2023.
_Hora: 10.00 – 12.00 h.
_Lugar: Mercado Galego da Creatividade (Creativas Galegas). Rúa da Caldeirería, 36 – Santiago.
Inscrición á xornada: https://forms.gle/JMakaHRaWhd4aUw36
Contacto: encontrosaxendaurbana2030@gmail.com
