- Este evento pasou.
Encontros Emprendedores _ Axenda Urbana 2030
Xuño 20, 2023 @ 10:00 a.m. - 12:30 p.m.
A igualdade de oportunidades e a cohesión social centrarán a temática do 5º Encontro Emprendedor
O ciclo de Encontros Emprendedores ten marcada a súa vindeira cita o día 20 de xuño, ás 10h no Espazo galego da Creatividade. Os Encontros Emprendedores presentan iniciativas empresariais desenvoltas en Santiago, que dan resposta aos retos identificados pola cidadanía de cara aos vindeiros anos.
Nesta ocasión, o Encontro Emprendedor abordará a experiencia empresarial da consultoría Promove, liderada en Compostela por tres mulleres que deciden emprender tras a crise de 2008.
Da man de Fátima Roríguez poderemos coñecer máis polo miúdo este proxecto, enfocado na promoción da igualdade e da xustiza social. Teremos a oportunidade de coñecer proxectos relacionados coa recuperación da memoria e identidade de mulleres rurais, a promoción de boas prácticas empresariais en empresas compostelás, ou os Campus emprendemento, un proceso de formación práctica dirixido á mocidade.
Nunha segunda parte do Encontro Emprendedor resérvase un espazo de conversa onde intercambiar ideas e experiencias coas persoas asistentes. Así mesmo, Creativas Galegas ofrecerá un almorzo de produtos galegos.
As inscricións están abertas e son de balde, premendo neste enlace.
Enlace: https://forms.gle/Sua4imSQYe5Dh1g58
Igualdade de oportunidades e cohesión social
“Promovendo actitudes por un mundo mellor”
Fátima Rodríguez. Promove: proxectos e persoas
Martes, 20 de xuño de 2023
Hora: 10.00 a 12.30 h
Espazo: Mercado Galego da Creatividade (Creativas Galegas). R/ Caldeirería 36
Contacto: encontrosaxendaurbana2030@gmail.com
