- Este evento pasou.
Exposición de ilustración e acuarela _ EAILUSTRA
Febreiro 20 - Marzo 2
EAILUSTRA é o proxecto que iniciaron dúas irmáns pontevedresas, Eider e Aroa.
Aroa é a das ideas e defínese a si mesma como unha apaixonada da natureza con tecnofobia.
“Encántame separarme un intre do grupo para ver como o resto de membros interactúan, rin, falan e brincan. Eses intres fanme sentir moi feliz.”
Eider é quen pinta, e baixo esa aparencia tímida, din que se esconde unha gran personalidade que se vai facendo presente a medida que vai xurdindo a confianza.
“Merquei unha mesa de mesturas para facer de DJ nas festas que facemos na miña aldea cos amigos.”
EAILUSTRA xorde pensando nos beneficios que as estas dúas creativas presumen de haber desfrutado por nacer e crecer nunha aldea. De aquí a frase: “Medrar n’aldea”.
Esas experiencias están representadas a través das temáticas sobre as que versan as súas ilustracións e acuarelas: o amor e defensa da nosa lingua, a cultura, as tradicións ou a natureza. E todo isto reproducido en obxectos como cuncas, bolsas, bloques, camisetas, suadoiros…
Entre as coleccións de produtos que teñen, hai unha moi especial: as láminas. Están feitas a partir do papel de libretas e axendas xa usadas. Elaboran un novo papel, incrústanlle as sementes que elas mesmas recollen (de alfábega e margarida) e finalmente, píntanas e ilústranas á man. Son pezas pensadas para volver á terra pechando así o seu ciclo de reciclaxe.
“Mais non son obras destinadas a ser esquecidas, pois medrarán como unha fermosa planta que será memoria da persoa que nola agasallou.”
Ven a ver o traballo destas creativas:
Título da exposición: ‘Eu medrei n´aldea’
Autores: Aroa Espiña García e Eider Espiña García
Marca: EAILUSTRA
Técnica: ilustración e acuarela
Lugar: Mercado Galego da Creatividade
Data: 20 de febreiro – 2 marzo
Coñece e sigue o seu traballo:
Web: https://eailustra.es/
Instagram: @eailustra
