Abrimos a tenda online de Creativas Galegas! ; )

Estamos de celebración!

Creativas Galegas abre, o día 5 de decembro de 2020,  o seu primeiro espazo físico de venta, O Mercado Galego da Creatividade.
Ese foi o noso primeiro fito. O segundo, crear unha ventá online para que desde calquera recuncho do mundo se nos poida seguir, e ver, con tan só asomarse a este lugar. Conseguido!
Despois de moito traballo, xa podemos abrir esta xanela dixital de Creativas Galegas.

Un espazo 2.0 que vai ir crecendo pouco a pouco, para converterse na ventá a través da cal coñecer a creatividade e o produto artesán galego, as firmas baixo as que se comercializan estes produtos e sobre todo, descubrir ás persoas e as historias que están detrás de cada obra.

Esperamos que esta web sexa un punto de encontro coa creatividade, a arte, a artesanía e o traballo manual de calidade feito a lume lento.