Exposición de complementos e pezas de papelería _ Con un poco de papel
Marzo 11 - Marzo 22
O papel é a semente que dá vida ao proxecto ‘Con un poco de papel‘ de Eva e María, dúas irmás emprendedoras e unidas polo feito á man, o traballo creativo e a inquedanza de descubrir cantas cousas se poden crear partindo tan só dun anaquiño de papel.
Mais a imaxinación destas dúas creadoras non ten fin e as súas mans tampouco atopan límites, así que despois do papel viñeron materiais como a tea, o metacrilato, a madeira…
Se cun pouco de papel poden crear infinitos produtos…, imaxínate o mundo de creación que poden conseguir se parte tamén doutros materiais que van incorporados, pouco a pouco, á lista de materiais básicos cos cales traballar!
Pois todo este mundo de creacións propias, personalizadas e personalizables, elaboradas coas mans de Eva e María, podes coñecelo durante as próximas dúas semanas na exposición que temos en marcha:
Título da exposición: ‘Mil ideas’
Técnicas: encadernación, scrapbook, confección, gravado e corte láser, lettering…
Autoras: Eva e María López
Marca: Con un poco de papel
Lugar: Mercado Galego da Creatividade
Datas: 11 – 22 de marzo
Coñece o seu traballo:
Instagram: @conunpocodepapell
