Escaparate Vivente de marroquinería _ MOCAO

Di a historia que os grandes mestres que esculpían o coiro estaban en Marruecos. De aquí o termo “marroquinería”. Mais o coiro é un deses materiais empregados polo ser humano desde os principios dos tempos para, a partir del, facer pezas de abrigo. E dalgún xeito, ver a compañeiras nosas, artesás do coiro como son Mónica Cao, da firma Mocao, é como asomarnos a unha ventá que nos mostra, fala e nos conecta con eses momentos iniciais da nosa historia, non si? É máxico ver traballar este material e pensar que xeracións tras xeracións continúan este oficio e reformulan esta arte ás necesidades de cada momento, mais sempre traballando sobre a mesma base, un curtido da pel para que esta perdure no tempo. Cada artesá aplica o seu deseño e creatividade para darlle a forma final que quere que defina o seu propio estilo de produtos. Queres coñecer o traballo de Mónica? Achégate ao Mercado para vela traballar.   Actividade: Escaparate Vivente ‘marroquinería’ Autora:  Mónica Cao Marca: Mocao Artesanía Lugar: Mercado Galego da Creatividade Data: 23 de decembro Horario: 11:30 – 13:30 h   Instagram: @mocaoartesania Facebook: MOCAO Artesanía   @artesania_de_galicia @xuntadegalicia @camino_xacobeo