Exposición de ilustración Tremelucir
Febreiro 10 @ 10:30 a.m. - Febreiro 21 @ 8:30 p.m.
Acollemos unha nova exposición no Mercado Galego da Creatividade e nesta ocasión é a quenda de Tremelucir, o proxecto artístico de Silvia Bello.
“Voltar a casa” é unha exposición que nace da necesidade de reconstruír o fogar a través do debuxo. Un regreso á orixe, á creación como refuxio emocional e como linguaxe para expresar o que ás veces non se sabe nomear.
Inspirada en Galicia, na súa luz e na memoria afectiva da terra, Tremelucir toma o seu nome dunha palabra case esquecida que fala dese brillo pequeno que aparece no mar cando o sol o toca. Parpadeos sutís que só se ven se se mira con calma. Para a autora, foi tamén ese impulso íntimo que a levou a volver crear.
As obras que conforman a exposición están realizadas de maneira artesanal, combinando acuarela sobre papel, debuxo a man e caligrafía en tinta china. A imaxe dialoga coa palabra: frases populares, expresións herdadas e fragmentos da cultura galega máis cotiá acompañan as ilustracións como ecos de memoria, conectando o persoal co colectivo.
Estas palabras non explican a obra, acompañan. Funcionan como ancoras emocionais que fan do debuxo un espazo onde habitar, unha pausa, un lugar ao que volver.
📌 INFORMACIÓN DA EXPO
▫️ Exposición: Voltar a casa
▫️ Técnica: acuarela e tinta china
▫️ Autora: Silvia Bello
▫️ Marca: Tremelucir
▫️ Lugar: Mercado Galego da Creatividade
▫️ Datas: do 10 ao 21 de febreiro
▫️ Horario: 10:30 – 20:30 h
🔶 Texto e cartel: @amoroteuestampaxeartesanal
📲 Catálogo: WhatsApp Business +34 641 21 84 62
#creativasgalegas #mercadogalegodacreatividade #tremelucir #artegalega #ilustracion #acuarela #artesania #creatividade #memoria #galicia #comerciolocal #culturagalega #arteconalma #feitoaman
