Cargando eventos

« Todos os eventos

  • Este evento pasou.

Exposición de ‘arte enlatada’ _ Vaidelatas

Setembro 2 - Setembro 16

Temos unha nova e orixinal exposición no Mercado. E como di o nome deste proxecto, a cousa ‘vai de latas’.

Araceli Blanco e Mar Castro son as creativas que están detrás desta marca: Vaidelatas.

Mar e Araceli representan ideas, conceptos e escenas do mais singulares, usando como escenario para elas, latas de conserva. Crean pequenos universos dentro dun espazo tan reducido como é unha lata. A idea é moi orixinal, non si? Pois o resultado é marabilloso.

Partindo do produto base, unha lata, estas creadoras empezan a deseñar a idea que queren representar nela. Para representar ese concepto artístico, empregan materiais como son as súas propias fotografías, xa que ambas son profesionais desta arte, e reutilizan diferentes materiais que van atopando e lles inspiran para montar a peza.

Como podedes ver, usan latas de conserva e outros materiais de diferentes texturas e orixen, todo reciclado. Ese é o compromiso destas artesás, darlle unha segunda vida ás cousas en vez de levalas directas ao lixo.

O feito de que todo se represente en envases de conserva é a súa especial homenaxe a cantas mulleres traballaron, traballan e seguirán traballando nas nosas conserveiras. Vai por elas!

Título da exposición: “Vaidelatas”
Técnica: collage, fotografía…, entre outras moitas artes
Autoras da exposición: Araceli e Mar
Marca: Vaidelatas
Lugar da exposición: Mercado Galego da Creatividade
Data: 2 – 16 de setembro

Instagram: @vaidelatas
Facebook: Vaidelatas Compostela

 

Detalles

Comezo:
Setembro 2
Remate:
Setembro 16
Categoría do Evento:

Deixa un comentario

0
    0
    A túa cesta
    A túa cesta está baleiraVolver á tenda